رسالة لزوجها

وش راكم لاباس؟؟
ان شا الله كامل تكونو بألف خير وعلى احسن حال
جبتبلكم واحد الحكاية تهبّل قريتها عجبتني قلت تشوفوها انتوماثاني



قالك وحدة قلقت من راجلها مش متهلي فيها خلاص ديما جايبها غير خدمة في الشركة (تقني سامي) وحياتو كامل ميكرو وتقنية وتحليل انظمة ومرات مايدخلش خلاص للدار







امالا واحد النهار قررت تبعثلو رسالة في الايمايل قبل ماتروح لدار باباها


كتبتلو فيها



حبيبي الغالي مدير عام "آي تي" وتقنية معلومات قلبي



راك عارف بلي عشنا أحلى الأوقات كي كنا مانصتاليين برنامج خطوبة 3.0 بيتا الهايل الي كنت متمينة يطوّل اكثر


مي صلاحيتو خلصت بعد الفترة التجريبية وقرر بابا نروحو نانستاليو النسخة الأصلية من برنامج زواج 1.0


كنا نحسبو بلي هذا هو الprogramme الي رح يفرّحنا طول العمر،مي كي خدمنا بيه شوية بداو يظهرو عيوبو



وأهم هذي العيوب البطء الشديد في الاستجابة للأوامر ويبلوكي بزاف كي نشغل برنامج طلبات 5.0


وكي فاتو شهرين برك صرا انهيار كامل في بزاف برامج،أهمها برنامج عناية بي 5.0 واللي كان يخدم bien الله يبارك عليهكي كنا نخدمو ببرنامج خطوبة 3.0 تجريبي


و لاحظت بلي برنامج وردة حمراء 3.0 ماولاش يخدم خلاص و رومانسية 9.5 هو ثاني نادرا مايخدم قد قد


مي برامج كيما هدايا 6.4 و مجوهرات 11.0 ولاش ليها اثر خلاص ونسينا حتى طريقة تشغيلها بيسك عندك بزاف مادرتلهاش la mise a jour


مانعرف مي وراني حاسة راك درتلهم حذف نهائي من النظام والله اعلم



حقا نسيت نقولك علاش نحيت الريمايندير السنوي تاع عيد زواجنا من الأوت لووك؟



DARLING, and the best of my best friends in my Facebook page:



وراني نشوف بلي انستاليت بالمقابل برامجك المزعجة كيما نشرة 5.0 و شغل ليل نهار 8..5


وحتى الألعاب نهار حبيت تتسلى انستاليت برنامج مونديال 2010 و تشامبيون ليغ 16.0


وكي تخمم تشغل برامج المساعدة كيما"مساعدة في المطبخ 2...6" يعني كارثة تحل على نظام التشغيل من كسر صحون وتضييع ملاعق وفراشط ومواس


اكيد راك ملاحظ معايا بلي سوفت ويير تشاتنغ 4.0 اللي كان يجمعنا ماولاش يخدم خلاص كيما بكري



ـ زوجي حبيبي "النسخة الهاكيد" ـ



الصراحة بعد هاذ الإهمال والتخبط في السيستام أنا شكيت وراك عارف بلي مرتك شكاكة وحاولت أكثر من مرة نسكاني السيستام Scan


واستخدمت برامج كيما تشيكنغ جيوب 4.0 و تفتيش جوال "آخر نسخة " ـ


وجربت كل أنواع السكاننغ باه نتأكد بلي ماكانش فيروس ضرب سوفت ويير حبيبي


راني شاكة يكون فيروس دودة نزوة الأربعين 4.0 أو تروجان تشات آخر الليل 6.0


So


بعد استشارة الخبراء استعنت ببرامج الصيانة المتمكنة ومنها سوفت ويير جارتي 7.0 و ماما حبيبتي 1.0 مي الله غالب حاجة مانفعت


الظاهر أنك محمي ضد هاذ البرامج بآخر نسخة من سوفت ويير حماتي 12.0 ـ


وعليه
زوجي الغالي أنت مطالب بتحديثات عاجلة وتركيب السيرفس باك 3.0


لتحديث وسد ثغرات برنامج زواج 1.0 وإلا فأنا أبشرك بأنه قريباً راح ينهار النظام تماماً ومايقدرش يعاود يخدم خلااااااااااص


وحتى بالإيميلات مانقدروش نحكيو



تقبل تحياتي


التوقيع


حبيبتك ـ نسخة سابقة ـ



-----




لما رجع الزوج كالعادة متأخر من الشركة وجد الرسالة عالإيميل الشخصي منورة لاب توب حجرة النوم ، قراها بسرعة
وبعجالة كتب الرد التالي




روحي ومالكة كيبورد حياتي
تلقيت بعظيم الامتنان رسالتك وسوف نعاملها بكل اهتمام وإليك استشارتنا كمتخصصين في هذا المجال




باديء ذي بدء نود أن نعلمكم بأن برنامج خطوبة 3.0 كاااان برنامج تجريبي


لذلك كان ترفيهي وحلو ، وتعرفي أننا حاولنا وبحثنا له أكثر من مرة على "كراك" لأن (بلاش مايحلاااش) ـ


وتعرفي أننا لقينا برنامج الاختراق اللي اسمه عُرفي 7.0 لولا إنك رفضتي وخفتي من أبوك وعيلتك والفضايح لأنك سوفتويرك pيريمي


وبالتالي كان ضروري من غير بد الترقية إلى السوفت ويير زواج 1.0 وهو نظام تشغيل أصلي ، لكن تظل فيه بعض الثغرات الأمنية


هذه الثغرات تحتاج تنزيل برامج سيرفس باك 3 والتي قد تسد العديد منها

وحاولي إنزال السوفت وييرز التالية/ـ
اهتمام بالشكل 2.9 و تخسيس 4.0 ويوجد برنامج رائع يمكن يفيدك اسمه شفط دهون 3.0


لكن إياك تنزلي البرنامج اللعين اللي اسمه سيلكون وبوتكس 11.2 فهذا يعمل لخبطة للنظام ويحجز مساحات مالها داعي في الذاكرة



زوجتي العزيزة وبطارية لاب توبي اللي ماتديشارجاااش



نصيحة غالية توقفي عن الدخول على صفحات الويب مثل "حماتي.أورغ" و "جاراتي.نت" و "زيارات.كوم" ـ


وحاولي تنظيم استخدام البرامج مثل غسيل مواعن 3.0 و ميناج 4.5 و مطبخ ليل نهار 5.5 ،وقللي لي شوية من برامجك المزعجة المؤذية للنظام


مثل تلفونات 3.0 و شوبنغ 13.5 وكفاية استهلاك للطاقة بلامعنى بكثرة تشغيل برنامج صرف صوارد8.0


ثم أننا لاحظنا بعد فحص النظام أن القرص الصلب الرئيسي ممتليء عالآخر بـ المسلسلات التركية الي تديريلها داونلوود يومياً


حطي في بالك بلي المساحة في القرص الصلب الرئيسي ضرورية حتى يشتغل النظام بدون "منغصات" ـ



زوجتي الغالية يا أحلى من أحلى موضوع قريته على التويتر اليوم:ـ



بخصوص تجاوزاتك السابقة بإنزال برامج غير مرخصة مثل تنكيش جيوب 4.0 و تفتيش جوال "النسخة الأخيرة" فهذه نصيحة ماتعاوديش تستخدميهم


لأنك لو كررتيها واستمريتي عليها فببساطة الإجراء التالي رح يكون فشل كامل للنظام وبالتالي ضروري عمل "فورمات بالثلاثة"


أوالترقية إلى زواج 2.0 ، وبحسب القوانين والتشريعات النظام قابل للتحديث حتى يصل إلى زواج 4.0



لذلك عزيزتي افهمي جيداً أن زواج 1.0 ماهو إلا نظام تشغيل رائع جميل بسيط سهل الاستخدام


مرات برك مساحات الذاكرة تكون قليلة أو القرص الصلب يحتاج إلى عملية إعادة ترتيب خلايا





ونصيحة مهمة .. كاين برامج جديدة نازلة في السوق اسمها نيو لووك 7.7 و دلع 3.5 نزليهم





وضيفي لهم برنامج مساعد اسمه طاعة 10.0* ـ




بعدها سيعمل النظام بكامل الكفاءة


جربي ودرك تشوفي




ـ * برنامج طاعة 10.0 يـتعارض في النظام مع برنامج ماما حبيبتي 1.0



حظ سعيد يا مدام


ولما تكوني كوول اعطيني مس كول درك نجي ونردك للدار "كالعادة" ـ


ملاحظة / السوفتويير اللي تعطيهنولك ماماك دايماً واسمه "نق نق طول النهار" حاولي ماتجيبيهش معاك